U trećoj utakmici prvog turnira Lige šampiona Jadran je poražen od gruzijskog Dinama rezutatom 11:8 (2:1, 2:3, 3:0, 4:4).

Naši momci su nakon manje od 24 časa igrali treću i posljednju utakmicu na ovom turniru pa je umor u redovima jadranaša uticao na današnju igru.

Već u prvom napadu igrači Dinama postižu gol sa igračem više i ostvaruje prvo vodstvo na utakmici 1:0. Trenutak nepažnje koristi na bekovskoj poziciji koristi Bitadze i sa 2 metra postiže gol za 2:0. Naši momci dolaze do prvog gola iz kontra napada, siguran je Averka za 2:1.

Nakon minut igre u drugom periodu Banićević sa golom sa stative iz igrača više postiže gol za 2:2. Dugo se igralo bez gola na obe strane a onda je Jelača postigao gol i svom timu donijeo novo vodstvo 3:2. Ali jadranaši ne posustaju, u sljedećem napadu priliku sa igračem više koristi kapiten Petković za novo izjednačenje 3:3. Nastavlja se dobra realizacija irgača više našeg tima, ovaj put priliku koristi Đuro Radović i postiže gol za prvo vodstvo 3:4. Nakon pogrešnog vraćanja lopte Vujovića golmanu Tešanoviću igrač Dinama uspjeva da ukrade loptu i ostaje sam ispred gola te postiže gol za 4:4.

U trećem periodu naš tim ne koristi dva igrača više, dok Dinamo preko Sarića postiže gol za novo vodstvo 5:4. Još jedan iskorišćen igrač više Dinama za gol koji donosi prednost 6:4. Nastavlja se pad igre našeg tima, ne uspjevamo postići gol dok su igrači Dinama sigurni i postižu gol na samom kraju trećeg perioda za 7:4.

Jadranaši nakon minut igre u posljednjem periodu postižu gol sa igračem više, Đuro Radović smanjuje na 7:5. Đuro Radović preuzima odgovornost na sebe i sjajnom parabolom postiže gola za 7:6. Međutim Jelača sa 8 metara postiže gol za 8:6. Još jedan gol Dinama sa igračem više smanjuje nadu za preokret i na 4:20 do kraja rezultat je 9:6. Na 2:40 prije kraja utakmice Averka postiže gol sa igračem više za 9:7. Ali već u sljedećem napadu Dinamo koristi priliku i iz peterca povećava prednost na 10:7. Dinamo povećava prednost na 11:7. Dimitrije Obradović šutem sa 8 metara na minut do kraja smanjuje na 11:8.

Dinamo Tbilisi – Jadran 11:8 (2:1, 2:3, 3:0, 4:4)

Bazen Duna arena, Budimpešta.

Sudije: Marjay (HUN), Schwartz (ISR).

Igrač više: Dinamo Tbilisi 9(4), Jadran 11(4). Peterci: Dinamo Tbilisi 1(1).

Dinamo Tbilisi: Razmadze, Dadvani, Akhvlediani 1, Imnaishvili, Bitadze 3, Jelača 3, Adeishvili 1, Sarić 1, Meskhi, Magrakvelidze, Vasić 1, Vapenski 1, Shubladze.

Jadran: Tešanović, D. Radović, Vučurović, Obradović 1, Vujović, Averka 2, V. Radović, Gardašević, Đ. Radović 3, Banićević 1, Brkić, Petković 1, Đurović.