Mladi vaterpolisti vaterpolo kluba Jadran iz Splita godišta 2005. proteklog vikenda boravili su na zajedničkim treninzima u Herceg Novom kod svojih vršnjaka iz Jadrana Carine.

Ovo je uzvratna posjeta nakon one od prije mjesec dana kada su mladi Jadranaši boravili u Splitu. Priprereme su kao i u Splitu organizovane po principu razmjene po kućama. Odrašeno je pet zajedničkih treninga od petka do nedelje, a u subotu na jednom treningu priključila se i ekipa Cavtata istog godišta tako da je odrađen trojni trening. U sklopu priprema splićani su obišli i ljetnji bazen Jadran na Škveru te klupsku trofejnu salu s kojom su posebno bili impresionirani.

Slobodno vrijeme su iskoristili za obilazak grada kao i gledanje utakmice regionalne vaterpolo lige u subotu veče u kojoj je Jadran Carine savlada ekipu Mladosti iz Zagreba.

Mladi vaterpolisti Jadrana Carine i njihove porodice su bile odlični domaćini. Ovaj vid saradnje pored sportskog aspekta ima jako važan i društveni element jer se stvaraju nova prijateljstva mladih ljudi iz dva grada.