Jadranova velika pobjeda na gostovanju u Rusiji

Jadranova velika pobjeda na gostovanju u Rusiji

U prvoj utakmici Lige šampiona u 2020. godini Jadran Carine je na gostovanju u Rusiji ostvario pobjedu protiv Sinteza rezultatom 11:15 (4:6, 3:4, 3:0, 1:5).

Već nakon prve ovogodišnje utakmice u regionalnoj ligi protiv ekipe Šabca naš tim se morao uputiti na dugo putovanju u Kazanj gdje ga je čekala prva ovogodišnja utakmica Lige šampiona protiv Sinteza. Jadranaši su na gostovanju nastupili bez dva veoma bitna igrača Đura Radovića i Dimitrija Obradovića koji su odsustvovali zbog povrijede.

 

U prvoj četvrtini prava goleada na obe strane, čak 10 golova, ali ovaj put u korist Jadranaša pa je rezultat na kraju prvog dijela bio 6:4 u našu korist. Na startu dva gola zaredom Popadića. Nakon toga golovi Banićevića, Mijuškovića, Gardaševića i ponovo Banićevića. Samo na početku domaćin je poveo rezultatom 1:0, a sve nakon toga naši momci nisu ispuštali prednost.

VIDEO IZJAVA: VLADO POPADIĆ

VIDEO IZJAVA: PETAR RADANOVIĆ

U drugom periodu ponovo veliki broj golova ali jadranaši ne ispuštaju prednost. Mrežu domaćina ponovo trese Gardašević, a nakon toga u listu strijelaca se upisuju Čagalj, Vučurovič i Averka pa je rezultat na polovini iznosio izvrsnih 10:7 u korist našeg tima.

Treći period domaćini skupljaju redove i teže je naći put do mreže Makasa, a takođe uspijevaju postići gol i smanjiti na 8:10. Na polovini trećeg perioda sreća na našoj strani pa igrač Sinteza promašuje peterac, međutim već u sljedećem napadu smanjuju rezultat na 9:10. U narednom napadu sjajni Spaić je izbrio peterac ali koji ne koristi Averka. Na 2 minuta prije kraja trećeg perioda Sintez postiže gol i izjednačava rezultat na 10:10 kojim završava treća četvrtina.

Na početku posljednjeg perioda Brkić postiže gol i ponovo naš tim dovodi u vodstvo od 11:10. U sljedećem napadu za naš tim kapiten Petković postiže gol i povećava prednost našeg tima na 12:10. Petković nastavlja kapitenski, drugi njegov gol i ponovo 3 gola prednosti za jadranaše na 4:30 do kraja utakmice. Odlična igra našeg tima se nastavlja, Gardašević uspjeva da izbori peterac a gol sa 5 metara postiže Averka i dovodi naš tim u vodstvo 14:10. Bomba Popadića na 2:27 do kraja utakmice za velikih 15:10. O dominaciji našeg tima govori i podatak da su domaćini prvi gol u posljednjoj četvrtini postigli 17 sekundi prije kraja i postavili konačan rezultat 15:11 u korist našeg tima.

U našem timu istakao se Popadić sa 3 postignuta gola.

Jadran već u subotu igra sljedeću utakmicu, na bazenu Instituta Igalo, dočekuje imenjaka iz Splita u okviru Regionalne lige. Utakmica je na programu u subotu 08. februara u 19:00 časova.

Sintez Kazan - Jadran Carine 11:15 (4:6, 3:4, 3:0, 1:5)

Sintez - Rusija

Sudije: Raković (SRB), Vogel (HUN).

Sintez Kazan: Antonov, Lazarev 2, Vasilev, Odinstov, Bugaychuk 4, Krasnov 1, Dereviankin, Adnryukov 2, Mironov 1, Zinnurov 1, Lisunov, Latypov, Makas.

Jadran Carine: Tešanović, Čagalj 1, Popadić 3, D. Radović, Banićević 2, Averka 2, Mijušković 1, Vučurović 1, Gardašević 2, Spaić, Brkić 1, Petković 2, Đurović.


Generalni sponzor

Carine DOO

Sponzori

ministarstvo-sporta-crne-goreOpština Herceg NoviInstitut IgaloVal GojkovićMS KatunjaninsabbencomRadio JadranHotel Perlaligh-houseCaffe Pizzeria TwinsVodovod i kanalizacija Herceg Noviskorpion-herceg-novituristicka-organizacija-herceg-novimg-mivela-jadran-carine